كنافة مخبوزة عالحطب محشية بجبن قريشة ومحشية جوز او محشية قشطة بيتية مع جميع اسرارها

كنافة مخبوزة عالحطب محشية بجبن قريشة ومحشية جوز او محشية قشطة بيتية مع جميع اسرارها - إذا كنت ربة منزل ولكن أيضا عامل مكتب، يجب أن يكون لديك مشكلة إذا كان لديك لطهي الطعام للعائلة كل يوم. ولكن لا داعي للقلق لأن لدينا مطبخ العربى سيقدم وصفات بسيطة وعملية بالنسبة لك الذين ليس لديهم الكثير من الوقت لطهي الطعام
من السهل جدا إذا حاولنا. وقد أصبحت هذه الوصفة تمارس صفة إلزامية إذا كانت هناك عائلة تريد أكل هذا الطعام.
كما تم تعميمه على نطاق واسع في المجتمع، الآن الكثير من الوجبات السريعة التي لا تصلح للاستهلاك تعمم بيننا. استخدام العديد من المواد الخطرة على الصحة. ونحن كما أن الآباء والأمهات للحفاظ على أفراد الأسرة لدينا لا تأتي تناول الطعام. كان ذلك أفضل ونحن في المنزل. إنشاء أطباق خاصة بهم لخدمة لعائلاتنا

كنافة مخبوزة عالحطب محشية بجبن قريشة ومحشية جوز او محشية قشطة بيتية مع جميع اسرارها 

‫‏المقادير‬ كنافة مخبوزة عالحطب:

1علبة كنافة مفرزة وزنها نصف كيلو
1 كوب سمنة حيوانية تكون طرية اي لينة وليست مذابة ( ممكن نحتاج نصف كوب اخر اضافي اثناء فترة خبزها عالحطب )
4 ملاعق كبيرة طحينة ( هرده )

2 صينية المنيوم مسطحة ( انا استعملت صينية قطرها 32 سم واخرى 34 سم او ممكن صينية مقاس 34 والثانية 36سم 
يعني تكون قياس احدى الصواني اكبر قليلا من الثانية )


حشوة القشطة : 

علبة جبن قريش ريكوتا وزنها 500 غرام
2 ملعقة كبيرة ماء زهر او الورد ( اختياري )
او فينا نستعمل القشطة البيتية

حشوة الجوز : 

2 كوب جوز مفروم بالسكين فرم خشن اي مجروش خشن
ربع او نصف كوب سكر
1 او 2 ملعقة كبيرة قرفة مطحونة
1 ملعقة كبيرة ماء ورد ( اختياري )


القطر (الشربات ): 

2 كوب سكر
1 كوب ماء
ملعقة صغيرة عصير ليمون او ربع ملعقة صغيرة عصير ليمون
2 ملعقة كبيرة ماء زهر او الورد ( اختياري )


طريقة تحضير القطر : 

بطنجرة صغيرة نضع السكر والماء وعصير الليمون او رشة ملح الليمون ونضعها عالنار المتوسطة بدون تحريك ونحاول نتخلص من الرغوة البيضاء 

كلما ظهرت على سطح القطر وبس يبلش يغلي القطر منتركها تغلي عالنار الوسط مدة 8 دقايق فقط
 ونرفعها من عالنار ونختفظ بالقطر ساخنا كي نسقي بها الكنافة فور خبزها مباشرة

 الطريقة التحضير :


1) ‫‏نحضر‬ عدد 2 صينية للفرن بقياسين مختلفين وحدة قياسها 32 سم والثانية 34 او 36 سم ويفضل ان تكون الصواني مقاومة للحرارة
 انا استعملت صواني المنيوم نوعية جيدة افضل شي للكنافة والبقلاوة
 وندهن كل صينية بحوالي نصف كوب سمنة لينة ممزوجة مع ملعقتان كبيرتان من الطحينة ونوزع السمنة مع الطحينة على كامل قعر
 واطراف الصينية ويجب ان تكون كمية السمنة وفيرة
 ( الطحينة بتعطي لون حلو مع السمنة للكنافة ) ونترك الصواني جانبا
2) هلق صار وقت تجهيز الكنافة و الكنافة بتكون مفرزة طبعا منطالعها قبل بوقت وبيفك عنها التجميد
 ( حتى لو ما فكيت عنها التجميد بشكل كامل فيكي تشتغلي فيها ) وبعدا بواسطة اليد منباعد بين شعيرات وخصل الكنافة 
ونقطعها بواسطة اليد او بالسكين بشكل خشن ( بهالوصفة الافضل نترك شعيرات الكنافة صحيحة او متل ما انا عملتا قطعتا بايدي الى قطع خشنة وبعدا منقسم كمية الكنافة الى قسمين ونأخذ اول قسم ونمدها بالصينية الصغيرة المدهونة ( 32 سم )

 بالسمنة ونرص الكنافة بشكل جيد بقعر الصينية ونحاول ان نسوي ونجعل جوانب الكنافة بشكل مرتفع اي نعمل لها اطار حتى تمنع الحشوة من انها توصل للجوانب وتحترق اي نمد الكنافة بالصينية بحيث تغطي قعر الصينية 
والجوانب ونرص الكنافة جيدا بالضغط عليها بالصينية بواسطة كف اليدين او بواسطة قعر صينية اخرة 
وبعدا منوزع عليها حشوة القريشة انا استعملت جبن قريش ريطوتا بعد ما نفتتها ( او القشطة البيتية ) 

وحاولي انه الحشوة ما توصل لاطراف الصينية وبعدا منضع كيس نايلون على الحشوة ومنضغط على الكيس لحتى الحشوة تلتصق بالعجينة وتصير طبقة واحدة وبشكل مستوي وبعدا منوزع على الحشوة القسم المتبقي من الكنافة
 بحيث تغطي سطح الحشوة تماما ثم نضع كيس نايلوم على سطح الكنافة وبواسطة اليديد او قعر طبق او قعر صينية نضغط على وجه الكنافة حتى نحصل على شكل متماسك للكتافة وتلتصق الطبقتين من الكتافة مع الحشوة وهيك صار صينية الكنافة جاهزة للخبز على الحطب

3) هلق صار وقت الخبز عالنار منحضر صينية الكنافة ونمسك فيها بكلتا اليدين واستعملي مساكات المطبخ لحتى تمسكي فيها الصينية لحتى ما تحترق ايدك لانه الصينية رح تسخن من حرارة النار
 وبتحطي الصينية على الشواية اي منقل والنار تكون متوسطة او قوية بيكون افضل متل ما واضح بالصورة يعني الجمر لازم يكون مشتعل بشكل منيح ومنضل منلف 

 وندور صينية الكنافة على الشواية ولازم ما نتوقف عن دوران الصينية لحتى ما تحترق لانه دوران الصينية عالنار بتخلي الكنافة تاخد لون حلو وبس شفتي انه اطراف الكنافة ابتعدت عن حواف الصينية 

والكنافة صارت تتحرك من الصينية معناها الكنافة استويت من الاسفل ومن علامات استواء الكنافة من الاسفل لازم اطراف الكنافة تبتعد من الصينية اي بتتحرر
 واذا هزيتي الصينية رح تلاخظي انه الكنافة 

عم تتحرك من مكانها وكمان رح تلاحظي انه اطراف الكنافة احمرت وتغيرت لونها وهاد دليل انه الكنافة احمرت واخدت لون من الاسفل ( فيكي ايضا تتاكدي من انها احمرت من الاسفل بانك تختبريها وذلك بواسطة طرف سكين فيكي ترفعي طرف من صينية الكنافة وبتبين معك اللون )

 وبس احمرت من الاسفل بقلب صينية الكنافة على الصينية الكبيرة (34 او 36سم ) المدهونة مسبقا بالسمنة ورح تنقلب معك بكل سهولة بدون ما تلتصق بالصينية متل ما واضح بالصورة ومن ثم نكمل شوي الطرف الاخر من الكنافة
 بنفس الطريقة السابقة لحتى تاخد لون دهبي غامق وبس احمرت من الجهة الثانية نرفعها من عالنار ونصب عليها مباشرة القطر الساخن جدا
 ونتركها تبرد تماما او اقل شي تفتر
وبعدا نقطعها ونزينها بالفستق المجروش ونقدمها


ملاحظة : 

‫نجهز‬ كنافة الجوز بنفس الطريقة السابقة بس نستبدل حشوة القريش ب حشوة الجوز
‫
اما‬ اذا استعملنا بالحشوة القشطة البيتية تاكدو من انها تكون ناشفة تماما واذا شفتو فيها اي سوايل اضافية يجب وضع محارم ورقية على الحشوة لحتى تمتص اي سوايل موجودة بالقشطة
‫
‏أثناء‬ فترة شوي الكنافة من الاسفل او الاعلى اذا شفتي انه الكنافة اثناء الشوي كانت بحاجة للسمنة ممكن تستعملي نص كوب من السمنة الاضافية حسب الحاجة اي بتضيفها ملعقة ملعقة على اطراف الكنافة 
وبتسقي فيها الكنافة وهالمرحلة اختيارية وبعملها لما بتبلش حواف الكنافة بالابتعاد عن الصينية وقتا بتلاخظي اذا كنافتك كانت بحاجة لكمية اضافية من السمنة وقتا فيكي تحطي ملعقة ملعقة من السمنة وتوزعيها على جوانب الكنافة

 ( او فيكي تكتفي فقط بكمية السمنة اللي دهنتي فيها الصينية وكان عيارها حوالي واحد كوب ) وما تستغربي من كمية السمنة انها كتيرة 

لانه نحن ما حطينا مع شعيرات الكنافة اي نوع دهن واكتفينا فقط بدهن الصواني

الوصفة لاخت المبدعة (( نازلي حسن ))

أن يكون محاولة لطهي الطعام كنافة مخبوزة عالحطب محشية بجبن قريشة ومحشية جوز او محشية قشطة بيتية مع جميع اسرارها في المنزل، وآمل أن والحب عائلتك وتنزعج لموقعنا عن وصفات أبسط وأكثر واقعية. حظا سعيدا والابتكار
تريد هذه الوصفة؟ الاشتراك في النشرة الإخبارية لدينا البريد الإلكتروني للحصول على وصفات أحدث عمليا ترسل أسبوعيا مباشرة إلى البريد الإلكتروني الخاص بك. شكرا جزيلا